Quid prodest homini coeli lustrasse meatus?
Arctoine poli sydera nosse iuvat?
Vt Graiis helice Tyrius cynosura petatur
Dux maris Aegyptus? suda Canopon habet.
5
Dicere vel causas cur tanto rupta fragore
Incutiant nobis fulmina saepe metum.
Vel motus terrae, ventorum nomina, cur nix
Mollior hiberno tempore grando cadit,
Durior aestivo. Si animae sperare salutem
10
Perpetuam infelix his nequeat studiis.
Hanc Augustini lepidis inquire libellis
Quos emendatos lector habere potes.